ლუკრეციუს სიჭინავა THE DIARY ORIGINALS-ის რუბრიკაში
The Diary Originals-ის სტუმარი ბოლომდე არშემდგარი ექიმი ლუკრეციუს სიჭინავაა, რომელსაც დღეს ლიტერატურათმცოდნედ ვიცნობთ. ლუკრე დიდი ხანია ტიკ-ტოკზე საინტერესო წიგნების რეკომენდაციებით გვანებივრებს.
| ანნა მათიაშვილი |
სულ ცოტა ხნის წინ საპრეზიდენტო მარათონში დონალდ ტრამპის მოწინააღმდეგე ჯო ბაიდენი კამალა ჰარისმა ჩაანაცვლა. დემოკრატიული პარტიის პრეზიდენტობის კანდიდატი 59 წლის ქალია, ხოლო მის ვიცე-პრეზიდენტად გამარჯვების შემთხვევაში მინესოტას გუბერნატორი - ტიმ უოლცი დაინიშნება. კანდიდატების ოფიციალურად წარსადგენად 19 აგვისტოდან ოთხდღიანი ეროვნული ყრილობა გაიმართა, სადაც ამჟამინდელ თუ ყოფილ პრეზიდენტებთან ერთად კამერის წინაშე არა ერთი ცნობადი სახე გამოჩნდა.
დემოკრატიული ეროვნული ყრილობა (DNC) დიდი პოლიტიკური მნიშვნელობით გამოირჩევა და წინასაარჩევნო პერიოდის ერთ-ერთი მთავარი ღონისძიებაა. წლევანდელი ყრილობის ლოკაციად ჩიკაგოს United Center შეირჩა, ვინაიდან სწორედ დასავლეთ სანაპიროს ამ დიდმა ქალაქმა ითამაშა გადამწყვეტი როლი 2020 წელს ბაიდენის არჩევნებში გამარჯვებაში.
ამერიკის 46-ე პრეზიდენტი ღონისძიებაზე მეუღლესთან ერთად გამოჩნდა. ამჟამინდელ პირველ ლედის რალფ ლორენის ცისფერი, მძივებიანი კაბა ემოსა. ჯილ ბაიდენი უკვე არა ერთხელ გამოჩნდა ამერიკული ბრენდის ნამუშევრით, მისი ლუქები ხშირად სწორედ ადგილობრივი წარმოების დიზაინებითაა აგებული.
კამალა ჰარისი გასული ოთხი დღის განმავლობაში ისეთ თემებს შეეხო როგორიც რეპროდუქციული უფლებები, საგარეო პოლიტიკა, ემიგრაციის პრობლემა თუ ისრაელ-პალესტინის ომია. მან საკუთარი და პარტიის იდეოლოგია და სამომავლო მიზნები დონალდ ტრამპის შეხედულებებსა და გადაწყვეტილებებთან კონტრასტში წარმოადგინა. იამაიკური წარმოშობის ამერიკელმა ვიცე-პრეზიდენტმა პირველ საღამოს მხარდამჭერების ყურადღება ღია ყავისფერი ორეულით მიიქცია. მას Chloé-ის პიჯაკი და სწორი შარვალი ეცვა. DNC-ს ბოლო დღეს კი პრეზიდენტობის კანდიდატის ნომინაცია ოფიციალურად ამავე დიზაინერის შავი დახვეწილი კოსტიუმით მიიღო.
ყოფილმა პირველმა ლედიმ ჩვეულებას არც ამჯერად უღალატა და ყრილობაზე თავისი გამორჩეული სტილით ყველას დაამახსოვრა თავი. მიშელ ობამა სცენაზე კამალა ჰარისის მხარდასაჭერად მეუღლესთან - ბარაკ ობამასთან ერთად ავიდა. ქალს ნიუ-ორკში დაფუძნებული ბრენდის - Monse-ს მუქი ლურჯი ორეული ეცვა. გადაჯვარედინებულმა ჟილეტმა და თავისუფალმა შარვალმა ყოფილი პრეზიდენტის ცოლის ლუქს სადა, თუმცა ელეგანტური ელფერი შესძინა.
ოპრა უინფრი პოლიტიკურ ყრილობაზე კრისტიან სირიანოს იასამნისფერი კოსტიუმით გამოჩნდა. სიტყვით გამოსვლისას ტელეწამყვანმა ერთიანობაზე ისაუბრა, მისი სამოსის ფერი კი ხშირად სწორედ ერთობის სიმბოლოდ მოიხსენიება. მიუხედავად იმისა, რომ ბოლო წლებში ოპრა პოლიტიკურ პროცესებში ნაკლებად იყო ჩართული, კამალა ჰარისისა და ტომ უოლცის მიმართ ამჯერად მხარდაჭერა არ დაიშურა. მან დონალდ ტრამპი და რესპუბლიკელები მწვავედ გააკრიტიკა, დემოკრატების გამარჯვება კი სიმართლის, ღირსებისა და სიხარულის არჩევას გაუტოლა.
“ამერიკელი ბავშვები აუცილებლად ისწავლიან ისტორიას, თუ როგორ გახდა ინდოელი დედისა და იამაიკელი მამის ქალიშვილი ამერიკის პრეზიდენტი” - განაცხადა ოპრა უინფრიმ.
ცნობილი მსახიობი და კომიკოსი მინდი კალინგი ყრილობის მესამე დღეს - 21 აგვისტოს ცერემონიის წამყვანად მოგვევლინა. ქალს მუქი ლურჯი გრძელი მაქმანებიანი კაბა და შავი ქუსლიანი ფეხსაცმელი ეცვა, რომელიც ძვირფასი ქვებით იყო გაწყობილი. აღნიშნული დღე მუსიკალურად გრემის მფლობელმა მომღერალმა მარენ მორისმა გააფორმა. მისი დასამახსოვრებელი ლუქი ქართული წარმოშობის დიზაინერს დევიდ კომას ეკუთვნის, რომელიც სულ ახლახან იტალიური მოდის სახლის ბლუმერინის კრეატიულ დირექტორად დაინიშნა. მომღერლის თეთრი წელში გამოყვანილი პიჯაკი და ამავე ფერის გრძელი ქვედაბოლო დიდი ზომის თვლებით იყო დამშვენებული.
ცერემონიის ბოლო დღე ამერიკული სერიალის “სკანდალის” ვარსკვლავმა - კერი ვაშინგტონმა წაიყვანა. მსახიობი სცენაზე თეთრი ორეულით წარსდგა, რომელიც ნაქსოვი ზედითა და მოტკეცილი ქვედაბოლოთი შედგებოდა. დღის მუსიკალურად გახალისების პრივილეგია ამჯერად როკ მომღერალს Pink-ს გადაეცა. არაერთი ცნობილი ჰიტის ავტორი სცენაზე შავი კორსეტით, ქამრითა შარვალ-ქვედაბოლოთი გამოჩნდა.
არ გამოგრჩეთ
EXTREME FEST TBILISI - სპორტის, მეგობრობისა და შერიგების პლატფორმა
დედაენის პარკში მორიგი Extreme Fest Tbilisi ჩატარდა. ფესტივალის წლევანდელი გზავნილი ასეთია: "მავთულხლართები ბევრად დაბალია ვიდრე ჩვენი ნახტომი" და ეს რომ მართლაც ასეა, ფესტივალის მონაწილე ოსი, ქართველი და აფხაზი ახალგაზრდები ამტკიცებენ.
ემილი პარიზში თუ იტალიაში?
სერიალს ნამდვილად მოუხდა იტალიის მშვენიერი ხედები, იტალიელების მჩქეფარე სისხლი და რა თქმა უნდა, მათი უზომო მომხიბვლელობა. სერიალის მეხუთე სეზონამდე ჯერ კიდევ ბევრი დარჩა, ამიტომ ვნახოთ რა მოხდება. მანამდე კი შეგვიძლია ვიმსჯელოთ სად გვსურს ემილის ყოფნა, საფრანგეთში თუ იტალიაში?