ლუკრეციუს სიჭინავა THE DIARY ORIGINALS-ის რუბრიკაში
The Diary Originals-ის სტუმარი ბოლომდე არშემდგარი ექიმი ლუკრეციუს სიჭინავაა, რომელსაც დღეს ლიტერატურათმცოდნედ ვიცნობთ. ლუკრე დიდი ხანია ტიკ-ტოკზე საინტერესო წიგნების რეკომენდაციებით გვანებივრებს.
საქართველო ერთა ლიგის B1 ჯგუფის უპირობო ლიდერია. ჩეხეთის ნაკრებთან ტრიუმფალური გამარჯვების შემდეგ, გიორგი ქოჩორაშვილის ბოლო წუთებში გატანილი ლეგენდარული გოლით, ალბანეთთან დაძაბული ბრძოლაც მოვიგეთ.
ევროპის ჩემპიონატზე ღირსეული ასპარეზობის შემდეგ, ჩვენი ნაკრების მთავარი მიზანი მსოფლიო ჩემპიონატზე თამაშია. მომდევნო მსოფლიო გაფართოებულ ფორმატში გაიმართება და მასში ევროპიდან 16 გუნდი მიიღებს მონაწილეობას. მუნდიალი აშშ-ში, მექსიკასა და კანადაში 2026 წლის 11 ივნისიდან 19 ივლისამდე ჩატარდება.
საქართველოს მსოფლიოზე მოსახვედრად ორი გზა აქვს - საკვალიფიკაციო ეტაპი და "ერთა ლიგის გზა".
საკვალიფიკაციო ეტაპი
შესარჩევი ჯგუფის პირველადგილოსნები მსოფლიო ჩემპიონატის 12 საგზურს ავტომატურად მიიღებენ. 12-ეულში მოსახვედრად ჩვენმა ეროვნულმა ნაკრებმა შესარჩევ ჯგუფში ასპარეზობა პირველი ადგილით უნდა დაასრულოს.
დარჩენილი 4 ვაკანტური ადგილისთვის კი, ფლეი-ოფები გაიმართება. შესაბამისად, მსოფლიოს საგზურის მოპოვების შანსი იმ გუნდებსაც ექნებათ, რომლებიც ჯგუფში მეორე ადგილს დაიკავებენ. მათ ერთა ლიგის საუკეთესო რეიტინგის მქონე 4 გუნდი შეუერთდებათ და ყველაფერი ფლეი-ოფში გადაწყდება. ფლეი-ოფში ასპარეზობის უფლებისთვის, ან შესარჩევ ჯგუფში მეორე ადგილზე უნდა გავიდეთ, ან ევროპის ჩემპიონატის მსგავსად, ერთა ლიგის გავლით შევძლოთ საგზურის მოპოვება.
ერთა ლიგა
ერთა ლიგიდან ფლეი-ოფში მოსახვედრად აუცილებელია ჯგუფში პირველ ადგილზე გავიდეთ, თუმცა, შეიძლება ესეც არ აღმოჩნდეს საკმარისი, რადგან კიდევ ერთი მნიშვნელოვანი ფაქტორი არსებობს - რეიტინგი.
საქართველო ერთა ლიგის B დივიზიონში ასპარეზობს. არსებობს A დივიზიონიც, სადაც საფრანგეთი, ესპანეთი, პორტუგალია და სხვა უფრო მაღალი დონის გუნდები იღებენ მონაწილეობას. A დივიზიონის რეიტინგი B დივიზიონის რეიტინგზე მაღალია, შესაბამისად ზემოხსენებული 4 გუნდი ჯერ A დივიზიონიდან ირჩევა და პროცესი შემდეგ გადადის B დივიზიონში. მაგრამ, ძალიან დიდია იმის შანსი, რომ A დივიზიონის გუნდები მსოფლიოზე ტრადიციული საკვალიფიკაციო ეტაპით გავიდნენ და ერთა ლიგის გზის გავლა საერთოდ არ დასჭირდეთ. ასეთ შემთხვევაში, დარჩენილი გუნდები B დივიზიონიდან შეირჩევიან.
ასე რომ, თუ ერთა ლიგას მოვიგებთ, ფლეი-ოფში ჩავერთვებით, სადაც გუნდები 2 შეხვედრას, ნახევარფინალსა და ფინალს გამართავენ. მსოფლიო ჩემპიონატის ტრადიციული საკვალიფიკაციო ჯგუფები 2024 წლის დეკემბერში დაკომპლექტდება. რაც შეეხება ერთა ლიგას, პირველი ორი თამაში უკვე მოვიგეთ და წინ უკრაინასთან, 11 ოქტომბრის მატჩი გველოდება.
არ გამოგრჩეთ
EXTREME FEST TBILISI - სპორტის, მეგობრობისა და შერიგების პლატფორმა
დედაენის პარკში მორიგი Extreme Fest Tbilisi ჩატარდა. ფესტივალის წლევანდელი გზავნილი ასეთია: "მავთულხლართები ბევრად დაბალია ვიდრე ჩვენი ნახტომი" და ეს რომ მართლაც ასეა, ფესტივალის მონაწილე ოსი, ქართველი და აფხაზი ახალგაზრდები ამტკიცებენ.
ემილი პარიზში თუ იტალიაში?
სერიალს ნამდვილად მოუხდა იტალიის მშვენიერი ხედები, იტალიელების მჩქეფარე სისხლი და რა თქმა უნდა, მათი უზომო მომხიბვლელობა. სერიალის მეხუთე სეზონამდე ჯერ კიდევ ბევრი დარჩა, ამიტომ ვნახოთ რა მოხდება. მანამდე კი შეგვიძლია ვიმსჯელოთ სად გვსურს ემილის ყოფნა, საფრანგეთში თუ იტალიაში?