ნინი ფარჯიანს და მარიამ ნავერიანს Lemerie-ს დაფუძნების იდეა სასურველი ტანისამოსის ძიების შედეგად გაუჩნდათ. ასე ჩამოყალიბდა ახალი ქართული ბრენდი Lemerie.
ნინი: როგორც მომხმარებლები, ვეძებდით უნიკალურ და მაღალი ხარისხის ტანსაცმელს, განსხვავებული დეტალებით. საკუთარი ტანსაცმლის დიზაინში ჩვენი პირველი ნაბიჯები ჯერ გატაცებად გადაიქცა, ბოლოს კი ბიზნესად ჩამოყალიბდა.
Lemerie-ს დამფუძნებელმა გოგოებმა მიზნად დაისახეს, მომხმარებლისთვის შეეთავაზებინათ ყოველდღიური კლასიკური სამოსი, რომელიც ხარისხიანი, ტრენდული და კომფორტული იქნებოდა.
Lemerie-ში კოლექცია დეტალებისადმი დიდი ყურადღებით იქმნება. ამიტომაც, თითოეული მოდელი გამორჩეული და სრულყოფილია, შესაბამისად მომხმარებელი მასში თავს კომფორტულად და თავდაჯერებულად გრძნობს.
რა ხდის Lemerie-ს გამორჩეულს ბაზარზე? როგორია ბრენდის ხარისხი და ფილოსოფია?
მარიამი: Lemerie-ს გამორჩეულობას დიზაინი განსაზღვრავს. ჩვენი სამოსი არის ყოველდღიური, უპრეტენზიო და ამავდროულად, სახასიათო დეტალებითაც გამოირჩევა.
ჩვენი ფილოსოფია სამ ძირითად პრინციპს ეფუძნება: განვავითაროთ ბრენდი, შევინარჩუნოთ ხარისხი და არ დავკარგოთ ბრენდის იდენტობა.
ქართული ბრენდის სამოსი ყველა სტილისა და გემოვნების ადამიანისთვისაა საინტერესო. თავად Lemerie-ს სტილი დახვეწილი, მსუბუქი, ესთეტიკური და სახასიათოა.
Lemerie-ს ამჟამინდელი კოლექციიდან რომელ მოდელს გამოარჩევდით?
მარიამი: ამ ეტაპზე სეზონის შესაბამის კოლექციას გამოვარჩევ. ასევე ჩვენს ბესტსელერს, ფერად პერანგებს, დახვეწილი და გამორჩეული სახელოებით.
ნინი და მარიამი განსხვავებულ პროფესიულ სფეროებში საქმიანობენ, თუმცა მოდისა და დიზაინის სიყვარულმა მათი გზები ბრენდის შექმნის იდეამდე მიიყვანა. ისევე როგორც ყველა GOGO, რომელსაც ჩვენი რედაქცია გაცნობთ, Lemerie-ს დამფუძნებლებიც ჩვენს მკითხველს კარიერის გზაზე გამბედაობისკენ მოუწოდებენ.
ნინი: გოგოებს ვურჩევ იყვნენ გაბედულები და წინაღობების მიმართ უდიდესი მზაობა გამოიჩინონ. გამოწვევების დროს გამოსავალზე ორიენტირდნენ და სიტუაციის აუღელვებლად მართვა სცადონ. მნიშვნელოვანია ბრენდის ეტაპობრივ განვითარებას მოთმინებით შეხედონ და წამოწყებული საქმის მიმართ ძალისხმევა არ დაიშურონ.
Lemerie-ს კოლექცია შეგიძლიათ, ბრენდის ინსტაგრამ და ფეისბუკ გვერდებზე დაათვალიეროთ ან ირაკლი აბაშიძის 44 ნომერში, შოურუმს ეწვიოთ.
The Diary აგრძელებს ქართველი გოგოების წარმატებაზე საუბარს. ამჯერად, ელენე გიორგაძეს გაგაცნობთ, რომელიც 2016 წლიდან ბრენდ Lename-ს ქმნის. ელენე თანამედროვე ქალებს საინტერესო და უნიკალური დეტალებით მდიდარ, მოდერნულ თუ კლასიკურ კოლექციებს სთავაზობს.
"აურა" ონლაინ მაღაზიაა, სადაც ბუნებრივი სალბების, არომატული ჩხირების, სურნელოვანი ნელსაცხებლებისა თუ საკმევლის შეძენას შეძლებთ. პროდუქცია თქვენს ცხოვრებას სიმშვიდეს შემატებს, უარყოფით აურას განწმენდს და მენტალურ თუ ფიზიკურ ჯანმრთელობას გაგიუმჯობესებთ, ეს ყველაფერი კი გამორჩეული სურნელების ფონზე მოხდება.
დიდი ხანია “მადონას სერვიზი” ჩვენი თაროებიდან გაქრა და ოჯახური “საჩვენებელი” კარადების ვიტრინებიც თანამედროვე, დახვეწილმა, მინიმალისტურმა ჭურჭელმა შეავსო. Nari კერამიკის სტუდია მომხმარებელს ჭურჭელსა და სხვა დეკორატიულ ობიექტებზე გადმოტანილ ხელოვნებას სთავაზობს.
