დიდი ხანია “მადონას სერვიზი” ჩვენი თაროებიდან გაქრა და ოჯახური “საჩვენებელი” კარადების ვიტრინებიც თანამედროვე, დახვეწილმა, მინიმალისტურმა ჭურჭელმა შეავსო. თუმცა, ეს სულაც არ ნიშნავს იმას, რომ კერამიკული ნაწარმი მოსაწყენი, ან ერთფეროვანი უნდა იყოს. Nari კერამიკის სტუდია მომხმარებელს ჭურჭელსა და სხვა დეკორატიულ ობიექტებზე გადმოტანილ ხელოვნებას სთავაზობს.
Nari-ის პროდუქციის ნაწილი ქართველი მხატვრის, მარიამ გიორგობიანის ხელითაა მოხატული. კერამიკული ნაწარმი ხელოვანის გამოფენაზეც გახლდათ წარმოდგენილი.
მარიამი: მე და თამარი (ნარის ერთ-ერთი დამფუძნებელი) უახლოესი ნათესავები ვართ. სტუდიის გახსნის დღეს ქალაქში არ ვიყავი და დაბრუნების შემდეგ, სასწრაფოდ გავიქეცი მის სანახავად. ჩემი მისვლა მათ ბავშვებთან გაკვეთილს დაემთხვა და ამიტომ, დროის გასაყვანად თამარმა მისი შექმნილი თიხის თეფში მომცა, თუ გინდა მოხატეო. დავიწყე ხატვა. შედეგი ისე მოგვეწონა, რომ გადავწყვიტეთ კიდევ მივსულიყავი თეფშის დასასრულებლად. მეორედ მისვლას მესამე და მეოთხე მოყვა, საბოლოოდ კი ორივეს გაგვიჩნდა კოლაბორაციის სურვილი. მას მერე, ეს საქმე ჩემთვის ძალიან მნიშვნელოვანი გახდა. მიხარია ყოველი დღე კერამიკის სტუდიაში.
რა დაგვხვდება თქვენს კერამიკულ სტუდიაში?
მარიამი: კერამიკის სტუდია ნარი არის ადგილი, სადაც განსხვავებული, საინტერესო და გამორჩეული ნივთები იქმნება. აქ ყველას უყვარს მოსვლა, რადგან “ნარელები” განსაკუთრებულ გარემოს ქმნიან, სადაც საინტერესოდ და შემოქმედებითად გაატარებ დროს, ეზიარები კერამიკის ხელოვნებას და შეძლებ შექმნა ნივთები საკუთარი ხელით.
როგორ არჩევთ თემატიკას ნამუშევრებისთვის?
მარიამი: თემატიკისთვის ვიყენებთ ჩემს მიერ შექმნილ ნახატებს, რომელიც პატარ-პატარა ისტორიების მიხედვით, ხელით იხატება ჭურჭელზე. სერია დღესაც გრძელდება. ინსპირაცია მოდის ბავშვობის მოგონებებიდან და ასევე, უკვე ჩემს თვალწინ არსებული ამბებიდან, რომელთა თანაზიარიც ვარ ხშირად. ძირითადად კომპოზიციებში გამოყენებული მაქვს ძველი თბილისის ქუჩები, იტალიური ეზოები. ასევე ხშირად დომინირებს პერსონაჟები, როგორც ჩემი საყვარელი წიგნებიდან, ასევე ფილმებიდან. მხიბლავს გვიანი ვიქტორიანული პერიოდის კოსტიუმები.
როგორც ვიცი, დღესასწაულებისთვის და ღირსშესანიშნავი დღეებისთვის განსხვავებულ პროდუქციას ქმნით…
მარიამი: ღირსშესანიშნავი დღეების მიხედვითაც ვქმნით მინი კოლექციებს, როგორც მაგალითად ვალენტინობის და დედის დღისთვის, მაგრამ მუდმივად განვითარებადი სერიებია "პატარა ქალაქის ბინადრები" და „თბილისური ეზოები".ჩვენი კოლაბორაციის პერიოდში შექმნილი ბევრი ნამუშევარი როგორც საქართველოში, ასევე საზღვარგარეთ კერძო კოლექციებშია დაცული.
“ნარის” პროდუქციის შეძენის გარდა, ვიცით, რომ თქვენთან მასტერკლასებიც ტარდება…
მარიამი: „ნარი“ გამოირჩევა საინტერესო ვორკშოფებით, მასტერკლასებით და გაკვეთილებით. სტუდია სთავაზობს მრავალრიცხოვანი სერვისებს სხვადასხვა გამოცდილების ადამიანებს.
The Diary აგრძელებს ქართველი გოგოების წარმატებაზე საუბარს. ამჯერად, ელენე გიორგაძეს გაგაცნობთ, რომელიც 2016 წლიდან ბრენდ Lename-ს ქმნის. ელენე თანამედროვე ქალებს საინტერესო და უნიკალური დეტალებით მდიდარ, მოდერნულ თუ კლასიკურ კოლექციებს სთავაზობს.
"აურა" ონლაინ მაღაზიაა, სადაც ბუნებრივი სალბების, არომატული ჩხირების, სურნელოვანი ნელსაცხებლებისა თუ საკმევლის შეძენას შეძლებთ. პროდუქცია თქვენს ცხოვრებას სიმშვიდეს შემატებს, უარყოფით აურას განწმენდს და მენტალურ თუ ფიზიკურ ჯანმრთელობას გაგიუმჯობესებთ, ეს ყველაფერი კი გამორჩეული სურნელების ფონზე მოხდება.
ორი გოგოს მიერ შექმნილი ბრენდი დახვეწილი სტილითა და საინტერესო დეტალებით გამორჩეულ სამოსს გვთავაზობს. Lemerie-ს ტანისამოსი როგორც ყოველდღიური, ისე საღამოს დახვეწილი ლუქის შექმნაში დაგეხმარებათ.
