K-Beauty-მ ნამდვილი რევოლუცია მოახდინა კანის მოვლის ინდუსტრიაში. კორეული სახის მოვლის რიტუალები და მეთოდები უძველესი დროიდან იღებს სათავეს და სწორედ ამ საუკუნოვან ცოდნასა და გამოცდილებაზე დაყრდნობით იქმნება და მუდმივად იხვეწება მოწინავე კვლევების მეშვეობით K-Beauty პროდუქცია.
K-Beauty is a Key to Beauty.
K-Beauty სახის კანის მოვლაში მსოფლიო ლიდერია. კორეულმა ბრენდებმა მომხმარებლის ქცევა შეცვალეს. ახლა დანამდვილებით ვიცით, რომ კარგი ტონერი არ ასოცირდება ფუფუნების საგანთან. კორეული კოსმეტიკა ხელმისაწვდომია და ამავდროულად მაღალი ხარისხით გამოირჩევა. ხოლო რაც მთავარია, თითოეული პროდუქტი კანის სიჯანსაღეზე ზრუნავს.
TheDiary-ს რედაქციამ K-Beauty-ს საუკეთესო პროდუქტები შეკრიბა, რომელიც ჩვენი აზრით თქვენს ყურადღებას ნამდვილად იმსახურებს.
ჩვენი სწრაფვა მუდმივი ახალგაზრდობისკენ უცვლელია. სახის კანის მოვლის იდეალურ რუტინაში ლოკოკინას მუცინი ბოლო პერიოდია ლიდერობს. მან პოპულარობა სამკურნალო თვისებებით მოიპოვა. ლოკოკინას მუცინს შეუძლია თქვენი კანის ტრანსფორმაცია და თუ კი ამ პროდუქტს ყოველდღიურ რუტინაში დაამატებთ, ის შეიძლება game-changer-ად იქცეს.
ლოკოკინას მუცინის ერთ-ერთი ყველაზე მნიშვნელოვანი სარგებელი კანის ინტენსიური დატენიანების განსაკუთრებული უნარია.
K-Beauty-ს უნაკლო კანი ახალგაზრდული და დატენიანებულია, რომელსაც ხავერდოვან-გლუვი ზედაპირი აქვს ფორებისა და ნაკლოვანებების გარეშე. თუკი ექსფოლაცია საერთოდ უგულებელყოფილია თქვენს რუტინაში, დროა ცვლილებები შეიტანოთ მასში. ექსფოლაციის მოკლევადიანი სარგებელი ფორების გასუფთავებაა, ხოლო გრძელვადიანი სარგებელი - კოლაგენის წარმოების გაძლიერება. ეს კი საბოლოოდ კანს გახდის გლუვს და მას ნათელ ფერს შესძენს.
როდესაც საქმე K-სილამაზეს ეხება, კოლაგენი მთავარი მოთამაშეა. სილამაზის ინდუსტრიის ყველაზე მოთხოვნადი ინგრედიენტი ცნობილია კანის ელასტიკურობის გაუმჯობესების, ნაოჭების შემცირებისა და დატენიანების უნარით.
კორეელი ქალების ცხოვრება ნაჭრის ნიღბის გარეშე წარმოუდგენელია. დილით კანი თბილი წყლით ჩამოიბანეთ და კარგად გაიმშრალეთ, შემდეგ კი კანის პილინგით (თუმცა ეს კვირაში 2-ჯერ არის მხოლოდ რეკომენდებული) მოახდინეთ მკვდარი უჯრედების ექსფოლაცია. შემდეგი ეტაპი ტონერია, რომელიც კანის PH ბალანს აღადგენს. ტონერის შემდგომ კი 15-20 წუთით სახეზე ნაჭრის ნიღაბი დაიდეთ. ჩვენ ჰიალურონის ნაჭრის ნიღაბს გირჩევთ, ვინაიდან ეს ინგრედიენტი უზრუნველყოფს კანის ინტენსიურ დატენიანებას. დატენიანებულ კანზე კოლაგენის აღმდგენი კრემი წაისვით, თვალების ირგვლივ კი, ლოკოკინას მუცინის კრემი. ვუალა, თქვენ K-Beauty-ს გზას დაადექით, რომლის მთავარი მიზანი კანის სიჯანსაღეა.
ზარა 2024 წელს ყველაზე შთამბეჭდავი კოლაბორაციით ასრულებს. ეს იქნება ბრიტანელი სუპერმოდელის, მოდის აიქონად აღიარებული ქეით მოსისა და სწრაფი მოდის ბრენდის კოლაბორაცია. თუ კი უახლოეს მომავალში წვეულებაზე წასვლას გეგმავთ და გარდერობში შესაფერისი არაფერი გაქვთ, კალენდარში მოინიშნეთ 30 ნოემბერი და დაელოდეთ ქეით მოსის რჩეულ კოლექციას.
საქართველოში პირველი Skin-Bar კონცეფციის ესთეტიკური ცენტრი, La Clinique მომხმარებელს მუდმივად სიახლეებით ანებივრებს. La Clinique-ის პრემიუმ ბრენდების შეძენა უკვე ონლაინ მაღაზიაშიცაა შესაძლებელი.
ბრიტანელმა მოდელმა ლონდონში პირადი სამოთხე მოიწყო, სადაც თანამედროვე ელემენტები ვინტაჟურ, კლასიკურ დიზაინთან ჰარმონიაში ელეგანტურ გარემოს ქმნის.
